قصة الفتاة المراهقة -الجزء الرابع
...ﺑﻘﻴﺖ ﻣﺼﺪﻭﻣﺔ ﻣﻜﻨﻬﺪﺭﺵ ﻏﻲ ﻛﻨﺒﻜﻲ ﻛﺎﻥ ﺍﻭﻝ ﻣﺮﺓ ﻏﻴﻮﻗﻌﻠﻲ ﻣﺸﻜﻞ ﻛﺒﻴﺮ ﺑﺤﺎﻝ ﻫﺎﺩﺍ ﻛﺮﻫﺖ ﺍﻟﻌﺎﻟﻢ ﻛﺮﻫﺖ ﺍﻟﻨﺎﺱ ﻭﺍﻟﺘﺨﻠﻒ ﺩﻳﺎﻟﻬﻢ ﻛﺮﻫﺖ ﺍﻟﻤﺠﺘﻤﻊ ﻛﺮﻫﺖ ﺧﻮﻳﺎ ﺍﻟﺼﻐﻴﺮ ﻟﻲ ﺍﻟﻤﺠﺘﻤﻊ ﻭﺣﺘﻰ ﺍﻟﺪﻳﻦ ﻓﻬﻤﻮ ﺑﻠﻲ ﺩﺍﻛﺸﻲ ﻛﺎﺭﺗﺔ ﻟﻲ ﺧﻼﻩ ﻳﻮﺭﻱ ﺍﻟﺘﺼﺎﻭﺭ ﻟﺒﺎﺑﺎ ﺑﻼ ﻣﻴﺘﺮﺩﺩ ﻭﻫﻮ ﻓﺮﺣﺎﻥ ﺣﻴﺖ ﺣﺲ ﺑﺮﺟﻮﻟﺘﻮ، ﻛﺎﻥ ﺻﻐﻴﺮ ﻭﻟﻜﻦ ﻣﻜﺎﻧﺶ ﻳﻜﺮﻩ ﻛﻮﻥ ﻛﺎﻥ ﻛﺒﻴﺮ ﻭﻳﻔﺮﺷﺨﻨﻲ ﻋﺼﺎ، ﺣﻘﺪﺕ ﻋﻠﻴﻪ ﻟﺪﺭﺟﺔ ﺍﻧﻲ ﻓﻜﺮﺕ ﻧﺘﻌﺮﺿﻠﻮ ﻣﻠﻲ ﻳﺨﺮﺝ ﻣﻦ ﺍﻟﻤﺪﺭﺳﺔ ﻭﻧﻀﺮﺑﻮ ﺑﺸﻲ ﺣﺠﺮﺓ ﻧﻘﺘﻠﻮ ﺑﺎﺵ ﻧﺒﺮﺩ. ﺧﺘﻲ ﻣﻦ ﺧﻼﻝ ﻛﻼﻣﻬﺎ ﻓﺎﻟﻤﻴﺴﺎﺝ ﻓﻬﻤﺎﺗﻨﻲ ﺑﻠﻲ ﺑﺎﺑﺎ ﻏﻴﻘﺘﻠﻨﻲ ﻭﺑﻜﺎ ﺻﺎﺣﺒﺘﻲ ﺗﺎ ﻫﻲ ﺧﻼﻧﻲ ﻧﺘﺨﺎﻳﻞ ﺑﺎﺑﺎ ﻫﺎﺯ ﺍﻟﻤﻮﺱ ﻭﻛﻴﺪﺑﺤﻨﻲ،ﻛﻨﺖ ﻛﻨﻔﻜﺮ ﻏﻲ ﻓﻤﺎﻣﺎ ﻣﺴﻜﻴﻨﺔ ﻟﻲ ﻛﻨﺖ ﻣﺘﺄﻛﺪﺓ ﺍﻥ ﺑﺎﺑﺎ ﻛﻴﻌﺎﻳﺮﻫﺎ ﻭﻳﺮﺩﻟﻬﺎ ﺍﻟﻠﻮﻣﺔ ﻭﺍﺧﺎ ﻫﻲ ﻣﺎﺷﻲ ﺫﻧﺒﻬﺎ ﻣﺴﻜﻴﻨﺔ ... ﺑﻜﺘﺮﺓ ﻣﺎ ﺣﺴﺴﻮﻧﻲ ﺑﻠﻲ ﺩﺭﺕ ﺟﺮﻳﻤﺔ ﻣﺸﻴﺖ ﻟﻠﻜﻮﺯﻳﻨﺔ ﻓﺎﻟﻮﻗﺖ ﻟﻲ ﺻﺎﺣﺒﺘﻲ ﻛﺘﻬﻀﺮ ﻣﻊ ﺻﺎﺣﺒﻬﺎ ﻭﺗﻌﺎﻭﺩﻟﻮ ﺷﻨﻮ ﻭﻗﻊ ﻫﺰﻳﺖ ﺍﻟﻤﺎﺀ ﺍﻟﻘﺎﻃﻊ ﻗﺒﻞ ﻣﻨﺸﺮﺏ ﻓﻜﺮﺕ ﻓﻄﻤﻮﺣﺎﺗﻲ ﻭﻣﺴﺘﻘﺒﺎﻟﻲ ﻟﻲ ﻛﻨﺖ ﻛﻨﺒﻨﻴﻪ ﻧﻬﺎﺭ ﻋﻠﻰ ﻧﻬﺎﺭ ﻣﺒﻐﻴﺘﺶ ﻧﻤﻮﺕ ﻣﺎﺯﺍﻻ ﺑﺎﻏﺎ ﻧﻌﻴﺶ ﻭﻧﻮﺻﻞ ﻟﺪﺍﻛﺸﻲ ﻟﻲ ﻛﻨﺤﻠﻢ ﺑﻴﻪ ... ﺑﺤﻜﻢ ﺍﻧﻲ ﻋﻨﺪﻱ ﻣﺮﻳﻀﺔ ﻣﻠﻲ ﻛﻨﺘﻌﺼﺐ ﻛﻴﺘﻘﻄﻌﻠﻲ ﺍﻟﺘﻨﻔﺲ ﻣﻠﻲ ﺷﺮﺑﺖ ﺩﻳﻚ ﺍﻟﺠﻐﻴﻤﺔ ﺧﺮﺟﺖ ﻋﻨﺪ ﺻﺎﺣﺒﺘﻲ ﺟﺎﻳﻔﺔ ﺻﺤﺎﺑﻬﺎ ﺗﺨﻨﻘﺖ ﻛﺎﻧﺖ ﻛﺘﻘﻮﻝ ﻟﺼﺎﺣﺒﻬﺎ ﺩﻏﻴﺎ ﺍﺟﻲ ﺳﻨﺎﺀ ﺟﺎﻓﺖ ﻋﺎﻭﺗﺎﻧﻲ ﻣﻠﻲ ﺷﺎﻓﺖ ﺍﻟﻜﺸﻜﻮﺷﺔ ﻃﺎﻟﻌﺔ ﻣﻦ ﻓﻤﻲ ﻋﺮﻓﺎﺕ ﻭﺁﺧﺮ ﺣﺎﺟﺔ ﺳﻤﻌﺘﻬﺎ ﺍﻭﻳﻠﻲ ﻋﺘﻘﻨﻲ ﺷﺮﺑﺎﺕ ﺍﻟﻤﺎﺀ ﺍﻟﻘﺎﻃﻊ ﺍﻭﻳﻠﻲ ﺍﻟﺒﻨﺖ ﻏﺘﻤﻮﺕ،،، ﻣﻠﻲ ﻓﺘﺤﺖ ﻋﻴﻨﻲ ﻓﺮﺣﺖ ﺑﺰﺍﻑ ﺍﻧﻨﻲ ﻣﻤﺘﺶ ﻛﻨﺖ ﻓﻠﻜﻠﻴﻨﻴﻚ ﺑﺤﻜﻢ ﺍﻥ ﺑﺎﺑﺎ ﻃﺒﻴﺐ ﺑﻘﻴﺖ ﻛﻨﻐﻮﺕ ﻋﻠﻴﻬﺎ ﻳﺎﻛﻤﺎ ﻋﻄﻴﺘﻴﻬﻮﻡ ﺑﻄﺎﻗﺔ ﺍﻟﻬﻮﻳﺔ ﺩﻳﺎﻟﻲ ﻭﻳﻌﺮﻓﻮﻧﻲ ﺑﻨﺘﻮ ﻭﻳﻌﻴﻄﻮﻟﻮ ﻭﻟﻜﻦ ﺍﻟﺤﻤﺪﻟﻠﻪ ﺍﻧﻬﺎ ﻓﻜﺮﺍﺕ ﻓﺎﻟﻤﻮﺿﻮﻉ ﻣﻦ ﻗﺒﻞ ﻫﺎﺩﺷﻲ ﻟﻲ ﺧﻼﻫﺎ ﺗﻌﻄﻴﻬﻢ ﺳﻤﻴﺔ ﻣﺰﻭﺭﺓ ﺍﻭﻝ ﻣﺪﺧﻞ ﺍﻟﻄﺒﻴﺐ ﺗﺼﺪﻣﺖ ﻫﻮ ﻟﻲ ﻛﻨﺖ ﻣﺼﺎﺣﺒﺔ ﻣﻌﺎﻩ ﻣﻦ ﻗﺒﻞ ﺳﻮﻟﻨﻲ ﺍﺵ ﻭﺻﻠﻨﻲ ﻟﻬﺎﺩ ﺍﻟﺤﺎﻟﺔ ﻋﺎﻭﺩﺗﻠﻮ ﻧﺼﺤﻨﻲ ﻭﻭﻋﺎﻧﻲ ﺑﻠﻲ ﺍﻟﻤﺸﻜﻞ ﻣﻴﺴﺘﺎﻫﻠﺶ ﻧﻘﺘﻞ ﺭﺍﺳﻲ ﻭﻗﺎﻟﻲ ﺭﺍﻩ ﻏﻄﻴﺖ ﻋﻠﻴﻚ ﻭﻣﺨﻠﻴﺘﻬﻮﻣﺶ ﻳﺘﺎﺻﻠﻮ ﺑﺎﻟﺒﻮﻟﻴﺲ ﻻﻧﻬﺎ ﻣﺤﺎﻭﻟﺔ ﺍﻧﺘﺤﺎﺭ ﺧﺮﺟﻨﺎ ﻣﻦ ﺗﻤﺎ ﻓﺎﻟﺒﺎﺏ ﺩﺍﻟﻜﻠﻴﻨﻴﻚ ﺳﻠﻤﺖ ﻋﻠﻰ ﺻﺎﺣﺒﺘﻲ ﻛﺎﻧﺖ ﻣﺴﻜﻴﻨﺔ ﻛﺘﺒﻜﻲ ﻭﺗﻘﻮﻟﻲ ﻣﻨﻘﺪﺭﺗﺶ ﻧﺨﻠﻴﻚ ﺗﻤﺸﻲ ﻓﺤﺎﺩ ﺍﻟﺤﺎﻟﺔ ﻭﻫﺎﺩ ﺍﻟﻠﻴﻞ ﻋﻨﻘﺘﻬﺎ ﻭﻗﻠﺘﻠﻬﺎ ﻣﺘﺨﺎﻓﻴﺶ ﺍﻧﺎ ﻗﺎﺩﺍ ﺑﺮﺍﺳﻲ
=============================تابعنــــا | follow us =============================
faecbook: fb.com/i9raa.tk فايسبوك :
youtuibe: youtube.com/i9raa يوتيوب :
website: www.i9raa.com موقعنا الالكتروني :
No comments:
Post a Comment