#رسالة_من_القلب_لكل_طالب(ة)

تأمل معايا خويا الطالب في " عُطلة "

أصلها من التعطيل، مثلا : هاتف مُعطل، حاسوب مُعطل، باختصار ما خدامش.
هاد التسمية خطيرة لأنها لاشُعوريا كا توحي لينا بالعجز و الكسل.
الحقيقة أن بحال هاد الكلمات و أخواتُها من ( إجازة بمعنى خود لا ليصونص و رتاح ...، و المهنة من المهانة و الإهانة ) ، كا يلعبو دور كبير فالتأثير على السُلوك ديالنا.
- مثلا، لي كا يمارس شي مهنة كا يصور منها طرف تاع الخبز، المُجتمع كا ينظر ليه نظرة ناقصة ( إهانة) ... بينما الإهانة الحقيقية خاصها تكون لهاداك لي ديما يديه التحت كا يتسنى لي يعطيه، أو كا يتسنى واليديه يصرفو عليه.
- كلمة إجازة، أو طالب مُجاز، بمعنى يا طالب رتاح رتاح، سنُواصل الكفاح هه، كا يحس براسو خدا ليصونص بحال إلى راه وصل، و هو فالحقيقة حصل، و الإجازة ما هي إلا بداية.
- كلمة PFE أو مشروع نهاية الدراسة، راه الحقيقة خصهوم يردوه مشروع بداية الدراسة ، PDE بحيث يالاه كا تحل عينيك على مجال البحث العلمي.
و العديد ديال الكلمات و الأمثال الشعبية لي نقدرو نقولو أنهم كا يلعبو دور كبير فالتخلف ديالنا.

لي بغيت نوصل من هاد الهضرة، و بمُناسبة العُطلة، هي :
- أن كل طالب كا يتشكى من الضغط و لاشارج ديال البروغرام، 6 تاع الموديلات، و كا يتشكى من أن الوقت ما كافيش، و فالنفس الوقت كا تلقاه فرحان بالعطلة بحيث أنهُ غادي يشبع فيها نعاس و دوران و تسركيل، هادشي كا يعبر على التناقض فالشخصية ديالنا، و على إشكالية أننا كا نركزو على المُشكل أكثر من الحل ديالو، لي غالبا كا تلقاه بين يدينا، لي بغيت نوصل لخوتي الطلبة هو :

- إلى بغيتي تبكي ما تتسناش حتى يآفيشيو النتائج ديال الموديلات عاد تبكي، بكي دابا، دمر و سهر و خدم و ركز على السبب، و ما تتسوقش للنتيجة، شحال من طالب خدا الدكتوراة و مات ...
لي بإمكانك فهاد اللحضة هو تخدم، و دير السبب. النتيجة ما بيديكش أ صديقي.
- و ما تقولش خاصني نفاليدي السومستر بأحسن نوط، و لكن قول خاصني ندير أحسن خدمة، و أعظم مجهود، و نقدم الغالي و النفيس و نضحي ... و حتى كلمة " قول ما خداماش " حيدها و دير بلاصتها دير ....
- غتانم العُطلة و عرف أنها الفُرصة ديالك الوحيدة أو الأخيرة باش تلتاحق على الركب، و توازن الخدمة ديالك، و تخدم و نتا مرتاح بلا ستريش بلا ضغط .
#هكذا_تحدث_فاينبرت
Don't talk